Kalabhairavastakam — అర్థంతో పూర్తి పాఠం

దేవరాజ-సేవ్యమాన-పావనాంఘ్రి-పంకజం
వ్యాళయజ్ఞ-సూత్రమిందు-శేఖరం కృపాకరమ్ ।
నారదాది-యోగిబృంద-వందితం దిగంబరం
కాశికాపురాధినాథ కాలభైరవం భజే ॥ 1 ॥

భానుకోటి-భాస్వరం భవబ్ధితారకం పరం
నీలకంఠ-మీప్సితార్థ-దాయకం త్రిలోచనమ్ ।
కాలకాల-మంబుజాక్ష-మక్షశూల-మక్షరం
కాశికాపురాధినాథ కాలభైరవం భజే

ఇంద్రుడి చేత పూజించబడే పవిత్ర పాద పద్మాలు కలవాడు. పామును యజ్ఞోపవీతంగా ధరించే వాడు. తల మీద చంద్ర వంక కలవాడు. అత్యంత కరుణ గల వాడు. నారుదుడు మొదలైన యోగుల చేత స్తుతించ బడే వాడు. దిగంబరుడు అయిన కాశీ క్షేత్ర పాలకుడు కాలభైరవుడికి నమస్కారం. అనేక సూర్యుల తేజస్సు కలవాడు. జనన మరణ చక్రం నుంచి దాటించి మోక్షాన్ని ఇచ్చేవాడు. నల్లని కంఠము కలవాడు. కోరిన కోరికలు తీర్చేవాడు. మూడు కన్నులు కలవాడు అయిన కాశీ క్షేత్ర పాలకుడు కాలభైరవుడికి నమస్కారం.

శూలటంక-పాశదండ-పాణిమాది-కారణం
శ్యామకాయ-మాదిదేవ-మక్షరం నిరామయమ్ ।
భీమవిక్రమం ప్రభుం విచిత్ర తాండవ ప్రియం
కాశికాపురాధినాథ కాలభైరవం భజే ॥ 3 ॥

భుక్తి-ముక్తి-దాయకం ప్రశస్తచారు-విగ్రహం
భక్తవత్సలం స్థిరం సమస్తలోక-విగ్రహమ్ । [స్థితం]
నిక్వణన్-మనోజ్ఞ-హేమ-కింకిణీ-లసత్కటిం [వినిక్వణన్]
కాశికాపురాధినాథ కాలభైరవం భజే

త్రీశూలాన్ని ఖట్వాయుద్ధాన్ని వరుణ పాషాన్ని దండాన్ని ధరించిన వాడు. ఆది దేవుడు. నల్లని శరీరం కలవాడు. నాశనము లేనివాడు. ఎన్నటికీ తరగని వాడు. భయంకరమైన పరాక్రమం కలవాడు. వింత తాండవం చేసేవాడు అయిన కాశీ క్షేత్ర పాలకుడు కాలభైరవుడికి నమస్కారం. ఇహలోక సౌఖ్యలను మోక్షాన్ని ఇచ్చేవాడు. గొప్ప అందమైన ఆకారం కలవాడు. భక్తులను బిడ్డలుగా చూసుకునే వాడు. స్థిరంగా నిలిచిన వాడు. లోకాలన్నిటిని నియంత్రించేవాడు. ఇంపైన ధ్వనులు చేసే మువ్వల వడ్డాణమును ధరించిన వాడు అయిన కాశీ క్షేత్ర పాలకుడు కాలభైరవుడికి నమస్కారం.

ధర్మసేతు-పాలకం త్వధర్మమార్గ నాశకం [నాశనం]
కర్మపాశ-మోచకం సుశర్మ-దాయకం విభుమ్ ।
స్వర్ణవర్ణ-కేశపాశ-శోభితాంగ-మండలం [శెషపాశ, నిర్మలం]
కాశికాపురాధినాథ కాలభైరవం భజే ॥ 5 ॥

రత్న-పాదుకా-ప్రభాభిరామ-పాదయుగ్మకం
నిత్య-మద్వితీయ-మిష్ట-దైవతం నిరంజనమ్ ।
మృత్యుదర్ప-నాశనం కరాళదంష్ట్ర-మోక్షదం [భూషణం]
కాశికాపురాధినాథ కాలభైరవం భజే

ధర్మ మార్గాన్ని కాపాడుతూ అధర్మ పరులను నాశనం చేసేవాడు. కర్మ బంధాలను నశింపజేస్తూ మంచి శుభాలను అందించేవాడు. బంగారు రంగు శరీరము పై పాములనే తాళ్లుగా ధరించిన వాడు అయిన కాశీ క్షేత్ర పాలకుడు కాలభైరవుడికి నమస్కారం. రత్నాల లాంటి పాదరక్షల వెలుగు వల్ల అందమైన పాదాలు కలవాడు. నిత్యుడు, అద్వితీయుడు, అందరికీ ఇష్ట దేవుడు గా ఉండే వాడు. మచ్చలేనివాడు. మృత్యు దేవత గర్వాన్ని నశింపజేసే వాడు. ఆ దేవత భయంకరమైన కోరల నుండి, విడిపించేవాడు అయిన కాశీ క్షేత్ర పాలకుడు కాలభైరవుడికి నమస్కారం.

అట్టహాస-భిన్న-పద్మజాండకోశ-సంతతిం
దృష్టిపాత-నష్టపాప-జాలముగ్ర-శాసనమ్ ।
అష్టసిద్ధి-దాయకం కపాలమాలికా-ధరం
కాశికాపురాధినాథ కాలభైరవం భజే ॥ 7 ॥

భూతసంఘ-నాయకం విశాలకీర్తి-దాయకం
కాశివాసి-లోక-పుణ్యపాప-శోధకం విభుమ్ । [కశివాస]
నీతిమార్గ-కోవిదం పురాతనం జగత్పతిం
కాశికాపురాధినాథ కాలభైరవం భజే

బ్రహ్మాండాల సమూహాన్ని తన అట్టహాసంతో పేల్చి వేసే ప్రళయకారకుడు. తన కనుచూపు మాత్రం చేత పాపాలను నశింప చేసేవాడు. కఠినంగా క్రమ శిక్షణ చేసేవాడు. అణిమ, మహిమ మొదలైన ఎనిమిది సిద్ధులను అందించే వాడు. పుర్రెల దండ ధరించే వాడు అయిన కాశీ క్షేత్ర పాలకుడు కాలభైరవుడికి నమస్కారం. భూతాల సైన్యానికి నాయకుడైన వాడు. లోకమంతా వ్యాపించే కీర్తిని కలిగించే వాడు. కాశీలో స్థిరపడే లోకుల పాప పుణ్యాలను శోధిస్తూ వాళ్ళకు తగిన పుణ్య ఫలాన్ని అందించే వాడు. నీతి మార్గమును ఎరిగిన పండితుడు అత్యంత ప్రాచీనుడు లోకాలన్నిటికి అధిపతి అయిన కాశీ క్షేత్ర పాలకుడు కాలభైరవుడికి నమస్కారం.

కాలభైరవాష్టకం పఠంతి యే మనోహరం
జ్ఞానముక్తి-సాధనం విచిత్ర-పుణ్య-వర్ధనమ్ ।
శోకమోహ-లోభదైన్య-కోపతాప-నాశనం [దైన్యలోభ]
తే ప్రయాంతి కాలభైరవాంఘ్రి-సన్నిధిం ధ్రువమ్ ॥

ఎవరైతే అందమైన, జ్ఞానాన్ని, మోక్షాన్ని అందించే, కొంగ్రొత్త పుణ్యాన్ని పెంచే, దుఃఖాన్ని వ్యామోహాన్ని దీనత్వాన్ని లోభి గుణాన్ని కోప స్వభావాన్ని కష్టాన్ని నాశనం చేసే ఈ కాలభైరవ అష్టకాన్ని ప్రతి దినము చదువుతారో వాళ్ళు తప్పక కాలభైరవుడి పాద సన్నిధికి చేరుకుంటారు. ఇది తథ్యం.